Гандах цэцэгсийн дэлбээтэй хийсч
Гандсан навчис туучин алхахдаа
Гомдсон нулимсаа өөртөө шингээж
Гунигтайгаа хамт чамайг хүлээлээ
Дуусашгүй амьдралын хөтөч нь болж
Дуслах бороонд норон зогсохдоо
Дурласан хосыг харан сэтгэл сэмэрч
Дурсамжтайгаа хамт чамайг хүлээлээ
Зэрэглээ татсан манан дунд
Зүрхийг минь гижигдсээр чи ирдэг
Зөөлхөн гараараа хацрыг минь илхэд
Зүүд байсанд шаналан харуусдаг
Нүцгэн саарал өдрүүдтэй урсаж
Нүглийг буян болгож аргадахдаа
Нуусан тэвчээрээрээ нугаран хугарч
Нулимстайгаа хамт чамайг хүлээлээ
No comments:
Post a Comment