Боловсролыг дээд сургуульд сурснаар олж авдаг уу

     Боловсрол хэмээх үгийг толь бичигт хүнийг бие сэтгэлийн хувьд цогц хөгжүүлж хувь хүнд буй үнэн чанар, авъяас билэгийг нээж өгөн тордохийг хэлнэ гэсэн байдаг. Гэхдээ боловсролыг чухам ямар түвшинд авч үзэж байгаагаас хамаарч өөр өөрөөр тодорхойлох боломжтой. Хэрвээ хувь хүний түвшинд буюу явцуу утгаар авч үзвэл боловсрол нь “хүн өөрийгөө боловсруулж хөгжүүлэхийн тулд ухамсартайгаар хийж байгаа танин мэдэх үйл ажиллагаа, түүний үр дүн” гэж тодорхойлж болно. Харин нийгмийн түвшинд буюу өргөн утгаар авч үзэх тохиолдолд “иргэдийн сурч боловсрох, хөгжих эрхээ эдлэхэд нь төр нийгмийн зүгээс дэмжлэг үзүүлж байгаа үйлчилгээ, түүний үр дүн” гэж тодорхойлж болох юм.

Хүн болох багаасаа хүлэг болох унаганаасаа.

           Хүн төрлөхтөн насан туршдаа боловсорч, хөгжиж байдаг нь хүмүүсийн нүдэнд илт байдаг ч хэзээнээс эхэлдэг вэ гэдгийг хүн бүр мэддэггүй аж. Тэрээр хүн эхийн хэвлийд байхаасаа л боловсорч эхэлдэг гэж үздэг байна. Эхийн хэвлийд байхдаа л эцэг эхийн хүмүүжил, амьдралын хэв маягт дасан зохицож байдаг. Энэ бол бидний хамгийн анхны боловролын үе шат гэж хэлж болно. Хамгийн сонирхолтой нь хүүхэд төрсөн цагаасаа ийнхүү хөгжиж боловсорч байгаа нь нүдэнд харагдахуйц байдлаар мэдрэгдэхгүй ч насан туршид нь үлдэх хамгийн том боловсрол байдаг. Үүнийг Монголчууд гэр бүлийн боловсрол гэж нэрлэдэг. Нэгэн гүн ухаантан “би төрдөг юм биш, буй болдог юм. Ний нуугуй хэлэхэд ердөө л төгсгөл хязгааргүй хүмүүжих үйл явц юм” гэсэн байдаг. Тийм шүү хүн хүмүүжих явцдаа хүн болж төлөвшдөг. Хүүхэд бүрийн үзэх дуртай “Тарзан” хүүхэлдэйн киног санаж байна уу?. Олон жил зэрлэг амьтадын дэргэд байснаас болоод хүн дүрстэй амьтан болж хувирдаг шүү дээ. Хүнийг амьтан болгож чадах уг зүйлийг л хүмүүжил гэх юм. Ийнхүү хүн нийгэм хамт олон, найз нөхдийнхөө дунд үнэлэгдэж, тэдний дотор тодорхой орон зайг эзлэн оршино гэдэг түүний эрдэм мэдлэг, эд хөрөнгөөс илүү хувь хүн, хүмүүжилээр үнэлэгддэг юм шиг санагддаг. Хэрвээ хүн багаасаа зөв хүмүүжилээр, ухамсартай гэр бүлийн хүрээнд өссөн бол их дээд сургуульд дөрвөн жил суралцсан, суралцаагүй өөрийгөө зөв залаад авч явж чадах хангалттай ухаантай, хүч чадалтай шүү дээ.

Чиний хэнээс төрсөн чинь бус, хэнтэй нөхөрлөж байгаа чинь чухал.

Сүүлийн жилүүдэд дийлэнх хүмүүсийн дунд гадаадад суралцвал дээд боловролыг төгс  эзэмшиж чадна гэх ойлголт байх болжээ. Харин гадаадад сурч чадахгүй бол улсдаа улсын сургуульд сурвал хамгийн сайн нь гэж төсөөлдөг. Харин миний хувьд ийм бодолтой явдаг хүмүүсийн эсрэг байдаг. Илжигний чихэнд ус хийсэн ч сэгсэрнэ, алт хийсэн ч сэгсэрнэ гэж ярьдаг. Хувь хүн өөрийгөө дайчилж, хичээж л чадахгүй юм бол ямар ч сайн сургууль, багшаар заалгаад нэмэргүй шүү дээ. Мөн ах эгч нараасаа таны их дээд сургуульд суралцах болсон шалтгаан, зорилго юу вэ? Mэдлэг нэмэхийн тулд уу? аль эсвэл ямар нэгэн ажлын байран дээр очихын тулд диплом нэртэй цаас авахын төлөө дөрвөн жилийг ял хүлээсэн ялтан мэт тэнд “уягдан” өнгөрүүлж байв уу? гэж асуусан юм. Хүн болгоны хүсэл зорилго өөр л дөө. Гэхдээ тэдний хариулт бараг л адилхан байсан юм. Хүн их дээд сургуульд сурсанаар төгс мэдлэгийг хэзээ ч олж авдаггүй. Харин мэдлэг гэхээсээ илүү бие даах чадвар, олны дунд биеэ хэрхэн зөв авч явах, төлөвшил, олонтойгоо зөв харилцаж сурсан гэлээ. Хэн, ямар сурсаныг нь зөвөөр үнэлж дүгнээд дипломоо олгодог бол хүмүүсийн мэдлэг олж авах хүсэл эрмэлзэл одоо байгаагаас хэд дахин илүү байх байсан. Харин одоо цагт дипломыг мөнгөөр худалдаж авч болдогт хамгийн гол учир байгаа юм дүү минь гэж байлаа.

Асар том бүтээл, алдар нэр хүндийг амжилт гэх биш харин амжилт гэдэг маань өдөр бүрийн жижиг амжилттай байдлын нийлбэр юм.

Мэдээж үүгээрээ их дээд сургуульд суралцаад хэрэггүй, юу ч сурдаггүй юм гэж хэлж байгаа юм биш. Хамгийн гол нь хүнийг хүн болгодог зүйл нь хүн чанар, хүмүүжил учраас эхлээд өөрийгөө зөв төлөвшүүлчихээд дараад нь дээд боловсрол яривал үр өгөөжтэй мэт санагдана. Ганц л олдох амьдралдаа хүний дайтай амьдархад сайн боловсрол шаардагдах нь гарцаагүй. Боловсрол, хүмүүжил хоёрыг бурхан хайрладаггүй. Тэдгээрийг хүн өөрийгөө хүчлэн дайчилж, хичээн зүтгэж байж олж авдаг. Тиймээс өөрийн олж авсан хүмүүжлийн ачаар  зөв үйл, багахан амжилтыг цаг тутамд  бүтээгээд байвал энэ нь эцэстээ хуримтлагдаж хамгийн сайн боловсрол, агуу их амжилт болж чадах юм.

“Product placement” буюу нэвтрүүлэгт бүтээгдэхүүн байрших тухайд

Реклам яах аргагүй урлагийн хамааралтай бүтээл. Хэн, аль компани шилдэг менежментийг гаргаж, боловсруулж чадаж байна, тэр зах зээлд бүтээгдэхүүнээ брэнд болгодог нь хууль. Бараа бүтээгдэхүүний борлуултад хамгийн том байр суурь эзлэх энэхүү урлагийг хэрхэн яаж хийснээрээ хүмүүсийн анхаарал, хүсэл сонирхлыг татдаг. Рекламыг содон сонин шийдэлтэй хийхээс гадна реклам бүтээгч нар хэрэглэгчийнхээ мэдрэхүйн эрхтэн дээр нь тулгуурлан ажилладаг гэдэг. Рекламгvйгээр бизнес хийнэ гэдэг бол цаг нөхцөөсөн хэрэг гэж хэлсэн байдаг. Тэгвэл бизнест реклам гэдэг зvйл маш чухал бөгөөд vvнийг хийнэ гэдэг бол авьяас, мөн сэтгэлгээ шаардсан чухал ажил юм. Тэд маш богино хугацаанд ойлгомжтой, анхаарал татсан мөн санаагаа бvрэн илэрхийлэх шаардлагатай байдаг.

Өнөөдөр рекламыг түгээгч хэрэгслүүдээс хамгийн хүчирхэг нь телевиз юм. Маш олон үзэгчдийн сонирхлыг татдаг учраас ашиг орлогоороо бусад хэрэгслүүдээс илүү байдаг. 1999 оны рекламны зах зээлийн тайлангаас үзэхэд нийт сурталчилгааны олсон орлогын 42.8 хувийг телевиз олжээ. Өөрөөр хэлбэл энэ үзүүлэлт телевиз бол зар сурталчилгааны гайхамшигтай хүчтэй хэрэгсэл гэдгийг батлаж буй хэрэг юм.

Сүүлийн үед сэтгүүлч, блогчид кино шүүмж, тойм, сэтгэгдэлийг цөөнгүй бичих болсон. Сүүлийн үед монгол кино төдийгүй дэлгэцийн бүхий л бүтээлд дүрүүд ямар нэгэн бүтээгдэхүүн, үйлчилгээг ашиглах болон түүнийг тодоор дүрслэн харуулах нь ихэсчээ. Тэдгээрийг бичигчид “далд реклам” хэмээн буруу нэрлэж, цохон тэмдэглэж байна. харин үүнийг реклам судлаачид “бүтээгдэхүүн байршуулах сурталчилгаа” буюу “product placement” гэж нэрлэдэг.

Одоогийн бидний ярьж заншаад буй “далд реклам” гэх ойлголтын талаар Америкийн сэтгүүлч, судлаач Ванс Пэкард 1957 онд “The Hidden Persuaders” номдоо бичиж байжээ. Тэрбээр уг бүтээлдээ “далд релкам” гэж нэршлийг ашиглаагүй ч хэрэглэгчийг худалдан авалт хийхэд хүргэх сэтгэл зүйн нөлөөллийн талаар олон санааг тайлбарласан байна. Тэр үед буюу дайны дараах америкийн нийгэмд зар сурталчилгаа бүтээгчдийн нэг зорилго нь аливаа бүтээгдэхүүн үйлчилгээ тухайн хүнд шаардлагагүй байсан ч тэдний итгэл үнэмшил, айдас, сексийн мэдрэмж зэрэгт тулгуурлан хэрэглэгчээ болгох байжээ. Далд реклам нь ерөнхийдөө сурталчилгааны үг, зураг, хэлбэр дүрсэнд давхар илэрч байдаг агуулга юм. Үүний хэлбэрийн хувьд дөрөв ангилдаг.

·         Subthreshold stimuli буюу дуу явах хугацаанд өөр үг сонсогдох, дэлгэцэнд ямар нэг дүрс эгшин зуурт үзэгдэх

·         Masked

·         Unattended буюу зургийг эргүүлэн харах эсвэл сайн ажиглахад үндсэн дүрсээс гадна өөр зүйл харагдах

·         Figurally transformed stimuli буюу текст болон зургийг бүдгэрүүлэх, шууд танигдахааргүй болсон байх зэрэг олон арга бий.

Эдгээрээс онцлон “Subthreshold stimuli” буюу дуу явах хугацаанд өөр үг сонсогдох, дэлгэцэнд ямар нэг дүрс эгшин зуурт үзэгдэх аргийг ашиглан нэвтрүүлэгт хэрхэн бүтээгдэхүүн байршуулдаг талаар авч үзье.

Гадныханы телевизийн шоу, цувралд энэ хэлбэр түгээмэл байдаг. Бараа, үйлчилгээг хамгийн их буюу NBC телевизийн “The biggest loser” шоунд 6248, “American Idol” шоунд 4636, “One tree hill” цуврал, “American’s next top model”, “Hell’s Kitchen”-д тус тус 2000 удаа сурталчилгаа байршуулжээ. Мөн ном, зохиолд сурталчилгаа цөөнгүй байдгаас бидний хамгийн сайн мэдэх “Twilight” цувралд л гэхэд гол дүр Эдуард “Volvo” машинаа хөлөглөж буйг зохиогч олонтаа дурьдсан байдаг. Энэ төрлийн сурталчилгаанд хамгийн их ашиглагддаг бүтээгдэхүүнийг автомашин тэргүүлдэг. Үүний дараа элэектрон  бараа тэр дундаа гар утсыг хамгийн түгээмэл ашигладаг байна. түүнчлэн хүнсний бүтээгдэхүүн, тамхи дарс гээд үргэлжилдэг байна.

“American idol” шоунд “Coca-Cola”-г байршуулсан нь

Телевизийн нэвтрүүлэгт бүтээгдэхүүн байршуулах нь бүтээгдэхүүний хувьд нэрийн бүтээгдэхүүнээ сурталчилаад зогсохгүй нэвтрүүлэг бэлтгэх багийн хувьд ч ашигтай зүйл юм. Учир нь бүтээгдэхүүн байршуулалтын мөнгө авахаас гадна шууд нэвтрүүлгийн үед хөтлөгч, нэвтрүүлэгт оролцогчид ямар нэгэн асуудал тулгарахад нэвтрүүлгийг таслаж болохгүй учраас ивээн тэтгэгч байгууллагын бүтээгдэхүүнээр нэвтрүүлгийг чимэглэж болдог аж. Жишээлбэл CBS студийн бэлтгэдэг нэвтрүүлгийн дугааруудад ч бүтээгдэхүүний дижитал байршлууд үе үе харагддаг.  1996 онь кино тусгаар тогтнолоор “Columbia pictures” эх компани болох “Sony products”, “Bravia” телевиз зэргийн бүтээгдэхүүнийг кинондоо оруулах болсон нь хожим телевизийн шоу нэвтрүүлэгт хүчтэй нөлөөлсөн ажээ.

Дээрх зурган дээр 2 хөтлөгчийн өмнө “Starbucks coffee” байгааг харж байна. Энэ ч гэсэн бүтээгдэхүүн байршуулалтын нэгэн хэлбэр юм. Үүнийг жирийн нэгэн үзэгч “Sturbucks coffee”-г сурталчилж байна хэмээн ойлгохгүй. Мэргэжилтүүнээс бусад бараг бүх л хүн сурталчилгаа гэдэг зүйлийг өөр тусдаа ойлголт хэмээн ойгодог учраас тэр юм. Гаднхыханы хувьд энэ мэтээр үл анзаарагдах төдийд бүтээгдэхүүн байршуулдаг байна.

Харин Монголчуудын хувьд реклам тэр дундаа нэвтрүүлэгт бүтээгдэхүүн байршуулна гэх ойлголт хожуу нэвтэрсэн учраас бүтээгдэхүүнийг нэвтрүүлгийн дундуур илэрхий сурталчилж байгаа нь анзаарагддаг. Үүнийг баталгаажуулахын тулд хэд хэдэн нэвтрүүлэгт ажиглалт хийсэн юм.

 

“Nandia’s Talk Show” нь анхдагч ток шоунд тооцоггдог, үзэгч олонтой нэвтрүүлэг юм. Тиймээс байгууллаггууд  нэвтрүүлгийг ивээн тэтгэж, бүтээгдэхүүн байршуулах сонирхолтой байдаг нь мэдээж. Тэрээр дээрх 2 зурган дээр “Biogen”, “Fuztea”, “Моя семья” зэрэг бүтээгдэхүүнийг байршуулжээ. Зарим нэгэн нэвтрүүлэгтэй харьцуулахад бүтээгдэхүүнийг энд тэнд  байршуулсан нь оновчтой гэж үзэж байна. Учир нь эдгээр зүйлс нэг дор хүний хараанд тусвал реклам,сурталчилгаа гэдэг нь илт мэдэгдэнэ. Мөн үзэгчдийн анхаарлыг төвлөрүүлж чадахгүйд хүргэнэ. Түүнчлэн хөтлөгч Нандиа нь нэвтрүүлгийн явцад зочиддоо таныг ийм зүйлээр дайлая, тийм бүтээгдэхүүнийг бэлэг болгон өгье гэж байгаа нь ил сурталчилгаа болж харагддаг. Үүний оронд бүтээгдэхүүнийг тохиромжтой байрлуулчихсан байхад л энэ нь үзэгчдийн сэтгэхгүйд ухамсатгүйгээр нөлөөлж байдаг билээ. 

25-р суваг телевиз “Bon appetit” cook show

Энэхүү нэвтрүүлэг нь ивээн тэтгэгч байгууллагын бүтээгдэхүүнийг нэвтрүүлэгтээ ашигладаг ба нэг дор маш олон зүйлийг амаар болон дүрсээр сурталчилдаг нь бидний хэлж сурсанаар далд реклам байж чадахгүйд хүрж байгаа юм. Мөн бүтээгдэхүүнийг ойр, ойрхон 3-4 секундын хугацаатай харуулж байв.

MNB “1 минут, 1 сая” цэнгээнт нэвтрүүлэг

Онцлон авсан нэвтрүүлгүүдээс Монголын Үндэсний Олон Нийтийн телевизийн “1 минут, 1 сая” цэнгээнт нэвтэрүүлэг нь бүтээгдэхүүн байршуулах ажиллагааг хамгийн оновчтой бөгөөд үзэгчийн сэтгэхүйд нөлөөлж чадахуйц хэмжээнд хийж чадсан байна. Ажиглавал, шалан дээр “Coca Cola”-гийн логог байрлуулсан, тэмцээний явцад бүтээгдэхүүнээ ашиглаж байгаа нь үзэгчдэд реклам гэж тэр бүр ойлгогдохгүй. Мөн “’Ариун’ хуурай салфеткийг зэргийг хэрэглэж байгаа нь бүтээгдэхүүнээ чадварлаг байршуулж байгаа хэлбэр юм.

Энэ бүгдээс дүгнэн үзвэл сүүлийн үед манай улсад бүтээгдэхүүн байршуулах гэдэг ойлголт байгаа хэдий ч бүрэн утгаараа төгс хэрэгжиж чадахгүй байгаа юм. Хэрэв үүнийг зөв зохицтой хийж чадахгүй бол кино, нэвтрүүлэг, дуу зэрэг нь тэр чигтээ бизнесийн сурталчилгаа болчихсон гэж хүмүүс дургүйцэж, бүтээгдэхүүн сурталчилах биш харин ч залхааж орхих талтай. Харин зөв хэлбэрээр, соёлтой хийж чадвал байгууллага, компани хувь хүний хувьд хамгийн үр дүнтэй арга юм. 

Д.Шинэцог Гени: Монгол ардын урлаг дэлхийд ноёрхоно гэдэгт итгэлтэй байна

Хэдэхэн хоногийн өмнө Вене оронд Монгол урлагийг гайхуулан Шубертийн нэрэмжит олон улсын хөгжчимчдийн наадамд амжилттай оролцсон Домог хамтлаг эх орондоо иргн ирлээ. Ийнхүү“Домог” хамтлагийн морин хуурч Д.Шинэцоггенийг түр хүлээлгэлээ.

-Юун түрүүнд олон улсын хөгжимчдийн наадамд амжилттай оролцоод ирсэнд баяр хүргэе. Уралдаанд ямар бүтээлээр өрсөлдсөн бэ?

-Баярлалаа. Манай хамтлаг 2011 онд “Алтан намар” хөгжмийн наадамд грамперийн шагнал хүртэж улсаас 20 сая төгрөгөөр шагнуулж байсан Өлзийбаярын морин хуурын концертыг тоглосон. Нийт 20 гаруй минутын бүтээл. Гэхдээ долоон минут үргэлжилэх техниктэй хэсэг нь хөгжимчдөөс ур чадвар шаардсан маш хэцүү бүтээл байдаг. Харин хамтлагийн хувьд монголынхоо бренд аялгууг тоглоё гэж бодсон учраас “Алтайн магтаал”-ыг тоглосон. Анх удаа оролцож байгаа хэдий ч хос цом хүртсэндээ их баяртай байгаа.

-Нийт 20 гаруй орноос оролцсон гэсэн. Хамгийн хүчтэй өрсөлдөгчид аль улсаас байв?

-Нутгийн иргэд хамгийн хүчтэй нь байсан. Австрийн гитарчин, Солонгосын сонгодог хөгжмийн хамтлаг гээд бүгд л хүчтэй өрсөлдөгчид байлаа.

-Тэмцээний өмнө хэр бэлтгэлтэй орсон бэ?

-Тэмцээн болох талаар анх гуравдугаар сард мэдээд хамтлагаараа шургуу бэлдэж эхэлсэн. Вена хотод очсоныхоо дараа тайзан дээр бэлтгэл хийж үзэх гэсэн боловч боломжгүй зүйл байсан учир бараг загнуулаад буцсан. Тэмцээн зохиогдсон орчин үнэхээр гайхалтай байсан. Ямар ч дуу өсгөгч хэрэглэх боломжгүй учир ганц алдаа гаргахад л шууд мэдэгдхээр өндөр түшвшинд бэлтгэгдсэн байсан. Тиймээс Монголд байхдаа бэлтгэлээ сайн базаасны үр дүнд амжилттай оролож чадлаа.

-Уг тэмцээнд амжилттай оролцсоноор хамтлагийн хувьд ямар боломж нээгдэв?

-Энэ тэмцээний нэр хүнд үнэхээр өндөр. Тэмцээний маргааш монголын элчин сайдын яам хүлээн авч уулзалт хийсэн. Ирэх ес, аравдугаар сард дахин Вена хотруу явах урилгийг хүлээж авсан.

-Ойрын хугацаанд ямар нэг тэмцээн, наадамд оролцох уу?

-Болгар улсад ирэх наймдугаар сарын 22-оос есдүгээр сарын 1 хүртэл зохиогдох “World Champion” буюу ардын урлагийн наадамд оролцоно. Энэ нь хамтлаг, ансамбел, найруулагчийн гэсэн гурван төрлөөр зохиогдоно.

-Ерөнхий шүүгч тусгайлан баяр хүрэсэн гэсэн үү?

-Тиймээ, ерөнхий шүүгч, Шубертийн нэрэмжит хөгжмийн дээд сургуулийн захирал ирж баяр хүргэсэн. Монгол ардын урлагийг үнэхээр биширсэн. Морин хуур гэж хоёр чавхдастай, морин толгойтой хөгжим байдаг гэдгийг мэддэг болохоос монголын хөгжимчдийн ур чадвар ийм сайн байна гэж төсөөлсөнгүй гэж байсан. Удахгүй монгол ардын урлаг дэлхийд ноёрхоно гэдэгт итгэлтэй байна.