Гэхдээ бас өднөөс ч хөнгөн

Тэр тэнгэр өөд тэмүүлэх энхийн цагаан тагтаа шиг.  Тиймээ яг л цагаахан тагтаа. Харагдах байдлаасаа  тэр хар ч байдаг л даа.Гэхдээ тэр цагаахан. Хүн бүхний бодол зүрхэнд намуухан аязын хамтаар хөнгөн гэгч нь дэгдэнэ. Хөвсгөр цасан дээр ч мөр нь үл гарам тийм  л хөнгөн гэхдээ тэр байнга л газар товшин байдаг. Эс хөнгөн гэвэл гомдсондоо тэнгэр өөд дэрхи хийн нисчихмээр тийм нэгэн өмсгөлөөр гоёно.Яг л өд шиг. Гэхдээ бас өднөөс ч хөнгөн зөөлөн уян налархай хөдөлгөөнтэй. Дэгжин бөгөөд эрхэмсэг байдал энд л илэрдэг. 

Эх бичвэрт задаргаа хийx

СОГТУУРЛЫН ЖЕНДЕР

            1.      Сэдэв

Улаанбаатарын шөнийн амьдрал архины ноёрхол, зугаа цэнгэлийн далай, хэрэг зөрчлийн үүр болсон гэдэгтэй маргах хүн үгүй. Архидалт зөвхөн эрчүүдэд л хамаатай, архийг зөвхөн харчууд л уудаг гэсэн урьдын ойлголт үгүй болж, охид эмэгтэйчүүд энэ хорын зам руу хошуурах боллоо. Эмэгтэйчүүдийн дунд архидалт жилээс жилд нэмэгдэж, тэр нь бүр хавтгайрч охидыг хамрах болсон байна. Зөвхөн эмэгтэйчүүдийг хүлээн авдаг “бие даасан” эрүүлжүүлэх байр ч нээгдсэн байна. Эмэгтэй хүн ар гэрийн зовлон, эр нөхрийн арчаагүй байдлаас болж стресст их ордог. Тэгээд зовлонгоо мартахын тулд архидан согтуурч эхэлдэг. Гутрах, сэтгэлээр унах бүртээ архи ууж, энэ нь давтагдар нэг мэдэхэд эргэж буцалтгүйгээр архичин болох замдаа ордог байна. Архи амьдрал нь, эрүүлжүүлэх гэр нь, цагдаа нар харгалзагч нь болсон байнгын үйлчлүүлэгчид ч цөөнгүй байдаг байна.

Гэр бүлийн хайрыг түгээгч радио 104.5

Сансарын тунелын ойролцоох гэр хорооллын нарийхан гудамжаар өгсөж FM104.5 гэж улаан өнгөөр хаягласан ногоон өнгийн барилгыг ХУИС- ийн сэтгүүл зүйн II курсын оюутнууд бид зорьлоо. Хэдий урилгагүй зочид байсан ч сэтгүүлч Д. Түвшинбаяр биднийг  эелдэгээр угтаж авсан юм. Тэрбээр Хүмүүнлэгийн Ухааны Их сургуулийг радио сэтгүүлчээр төгсөж өдгөө мэргэжлээрээ ажиллаж байгаа билээ.

       XX зууны эхэнд дуу чимээ, аман мэдээллийн харилцааны боломжийг нэгэн зэрэг өөртөө агуулсан “утасгүй цахилгаан мэдээ” болох радио харилцаа холбооны шинэ хэрэгсэл болон хувирсан нь сэтгүүл зүйн түүхэн дэхь цоо шинэ үзэгдэл байв.                                       
1920-1930 аад оны үед радио нэвтрүүлэг газар сайгүй нэвтэрч сая сая радио сонсогчийг хамарсан хүлээн авагчдын хамгийн өргөн хүрээнд тогтмол нөлөөлөх шинэ суваг төлөвшсөн юм. Өдгөө манай улс нийт 179 хэт богино долгионы радиотой болжээ. Эдгээрийн дундаас бид “Эрүүл харилцаа, Ивээгдсэн гэр бүл, Эвлэрсэн нийгэм” гэх уриатай гэр бүлийн радиог онцлон сонгосон юм.

           Уг радио нь 2001 оны тавдугаар сард анхны эфирээ цацаж байжээ. Финланд улсын 100 хувийн хөрөнгө оруулалтаар бүтсэн бөгөөд үнэхээр тохилог, тухтай орчныг бүрдүүлж чаджээ. Анх гаднаас нь хараад 2 давхар барилга байна гэж бодсон ч аялалын төгсгөлд 4 давхар гэдгийг мэдсэн юм. Ийнхүү бид сэтгүүлч Түвшинбаярын хамтаар 2-р давхар буюу найруулагчдын өрөө, ажилтай танилцсан юм. Тун удахгүй эфирээр цацагдах олон ангит жүжгийн хэсгээс уншиж хоолой бичлэгэнд орж үзлээ. Ангийнханы маань хувьд энэ нь анхных байсан учир аргагүй туршлага дутаж байсан юм. Тиймээс найруулагч бидэнд хандаж “сэтгүүлч хүн олон нийттэй харилцдаг тул үгээ тод цэвэр дуудах ёстой, үүний тулд хоёроос гурван ширхэг шагайг амандаа хүлхэж амны хайрцагыг томруулах шаардлагатай гэж зөвлөсөн юм. Үүний дараагаар бид 3-р давхар буюу хөтлөгч, шууд эфирийн өрөөтэй танилцсан юм. Тус радио нь 4 сэтгүүлч, 4 найруулагч, 5 хөтлөгчийн бүрэлдэхүүнтэй үйл ажиллагаагаа явуулдаг бөгөөд Хайрын төсөл, Халуун цай, Зүрхний гоёл, Шивнээ, Эр хүн хэлсэндээ, Аврах цагираг, Аавын хүлээсэн захиа, Аюулгүй сонголт, Аялаагүй бүүвэй, 1045 дахь захидал, Family music, Амьдралын учиг гэсэн 12 нэвтрүүлэгийг бэлтгэн хүргэдэг байна. Дашрамд дурьдахад хөтлөгч нарын зарим нь гэр бүл судлаач мэргэжилтэй хүмүүс байдаг ажээ. Зөвхөн  эфирийн цаанаас сонсочидтойгоо холбогдохоос татгалзаж тэдэнтэй уулзах радио аялал зохион байгуулж, эфирийн өрөөнд хөтлөгчтэй шууд ярилцлагад орох, хайртай дотны хүмүүстээ өөрийн хоолойгоор мэндчилгээ илгээх, тусгайлан хөтлөгч нартай уулзаж гэр бүлийн зөвлөгөө авах зэрэгт нээлттэй байдаг гэнэ. “Хэрэв та радиог тогтмол сонсох боломжгүй бол Гэр бүлийн радио 104.5, Хайрын дархлаа төрийн бус байгууллагатай хамтран гаргасан “Миний хайрын төсөл” номыг худалдан авсанаар өөрт хэрэгтэй мэдээлэл, зөвлөгөө, тус радиогийн байнгын сонсогч гэр бүлүүдийн туршлага зэргээс судлах боломжтой” хэмээн сэтгүүлч, гэр бүл судлаач Т. Буянтогтох хэлсэн юм.

          Чихэнд хоногшсон хуучны дуу, танин мэдэхүйн мэдээ мэдээллийг та ажлын өдрүүдэд 07.00-09.30 цагийн хооронд “Өдрийн өнгө” булангаар хөтлөгч М. Мөнхбаттай цуг хүлээн авч болно. Гэр бүлийн боловсрол, бүсгүйчүүдэд зориулсан нэвтрүүлгийг 10.30-13.00 хооронд харин залууст зорилсан хөтөлбөрийг 14.00-17.00 цагийн хооронд хүлээн авч сонсох боломжтой. WWW.1045.MN  гэх цахим хаягтай бөгөөд та дэлхийн өнцөг булан бүрээс шууд эфиртэй холбогдох боломжтой. Жишээ нь та Хайрын төсөл нэвтрүүлэгийн шууд дугаарыг ажлын өдрүүдэд 09.30-10.30 цагаас, давталтыг мөн өдрийнхөө 19.00, 23.00 цагаас, цагийн зөрөөтэй сонсогчид маргааш өглөөний 05.00 цагаас сонсох боломжтой юм.

         Интернэт, телевизийг түлхүү ашиглаж радио, тогтмол хэвлэл үеээ өнгөрөөсөн гэж зарим хүмүүс ярьдаг. ХУИС-ийн сэтгүүл зүйн II курсын оюутан Л. Отгонтуяа хэлэхдээ “би радиог хэт явцуу утгаар төсөөлж байжээ. Хоёр гуравхан мэргэжлийн болон мэргэжлийн бус сэтгүүлчээс бүрдэж эфирийн ганц өрөөнөөс үйл ажиллагаагаа явуулдаг гэж бодож байлаа. Харин гэр бүлийн радиотой танилцсанаар радиогоор зөвхөн дуу л сонсох бус мэдлэг боловсрол, мэдээлэл авдаг цөөн бус хүмүүс байдаг, хүмүүсийн амьдралд ямар их үр нөлөөгөө өгдөг вэ гэдгийг мэдэж авлаа” гэсэн юм. Энэ мэтчилэн  тус радиогийн хамт олон нь хэвлэл мэдээллийн салбарт нэгэн шинэ өнгө төрх, урсгал, чадварыг харуулсан олон жилийн туршлагатай хамт олон гэдгээ “Болор үзэг” наадмаас хүртсэн шагналуудаараа гэрчилж байлаа.